「飲茶」

六條友影完畢業相想食個tea吹個水
但大家都o岩o岩先o係Starbucks食完late lunch
又唔想撐上莊月明 (我鍾意某人o個句：上到去都已經4點要散水啦)
最終走左入間完全唔o岩feel o既茶藝館「水泠泠」
(唔係打錯/寫錯，係「泠」[音：零]唔係「冷」)
就o係正港大巴士站側邊



初頭大家都以為誤上賊船
但後尾泡下泡下又幾好玩
紅、青、黃、綠、黑、白茶都叫齊
碧螺春原來真係幾好飲ga bor


個個都掛住沖茶
最後都無乜點吹到水



吹水都係去第二度o岩o的
今次當係見識下啦 :>

秋風起

細個o個時
互助委員會試過o係幢樓樓下有蓋位置搞蛇宴;
踢住拖鞋落街同隔離鄰舍坐埋一枱
碟薄脆當然係未齊人o個時已經俾我o地班細路食晒
最終得返o的碎可以倒落碗蛇羮度

早幾日開始返風
互助委員會又搞蛇宴啦;
多得阿媽順手打包兩兜蛇羮返歸
先至有得食返碗;

一齊un un腳享用外賣o既家姐食食下講起
以前老豆試過好激咁拎左條切左個頭o既蛇返屋企
阿媽一路斬條蛇就一路嗌核突
最終就一舊舊拎晒去煲湯;
白色一碌碌
印象中食落都幾多骨;

食完蛇羮
同場加映臘味糯米飯
做阿媽o既
真係無時無刻都驚O的仔女食唔飽 :P

薯仔味百力滋

唔好味 :(
味道太淡喇
似咸少少o既甘大枝
唔似得EDO o個隻薯仔餅咁重「薯」味

First Hon Meal

謹代表有份食O既人多謝&再一次恭喜負責煮o個個!

生日飯 (2) -- 失控/放縱?

全晚食o既野都好好味!
誠意推介亞士厘道O既Shadowman Cyber Cafe

(1) Tandoori chicken 炒意粉

btw 原來tandoori 炒飯係完全唔同樣&唔同味
但都係香料味好重好正!
相信下次再黎我都係會食返呢個set :P

(2)Belgian Waffles with Chocolate Icecream

塊waffles 軟硬適中
搽o的雪榚、加pat cream 同high o的朱古力醬上面仲正

(3) Light bluberry cheesecake @ Starbucks
o係early dinner後行左一輪街，再坐低飲杯茶、食返個軟身得黎芝士味又夠rich o既cheesecake;
連鎖店果然係唔會有好大驚起但總可以滿足需求;
不過杯passion tea 好鬼酸
本身飽飽地但飲完無耐又開始肚餓!

------------------------------------------------------
Thank you for your treat,
and the gifts!

My treat (無相post)

我的家庭真可愛
出親街食飯廿次有十九次都係留o係沙田
而十九次當中有十次我阿媽都係第一時間提起樓下商場間酒樓
真係講起都悶;
但由於今餐係我請o既關係
終於都可以衝出沙田去選擇去九龍城食泰菜

想去小曼谷or街市
但6大2細都真係唔駛諗lor;
最終去左試下金麥泰

訂位個阿姐o的phonological memory 好有問題
個電話號碼講左十幾次都仲係聽錯
差o的要講泰文咁滯

另外, 一坐低就知揀錯地方
同friend去就幾o岩但帶埋(o個兩個)小朋友去就完全唔掂
兩隻野一個扭計一個尖叫
加上樓底又矮幾應聲
嘈到呢...

野食整體上算中等
比較食得過o既有:
(1) 生蝦 (夠爽口&眾人食完都無肚痛);
(2) 芒果糯米飯 (芒果好甜!)
一般o既有：
(1) 青木瓜沙律 (個汁唔夠入味!)
(2) 雞肉炒河 (似干炒牛河)
(3) 蝦餅 (都係咁啦!)
食唔過o既有：
(1) 明爐烏頭 (個汁唔得!)
(2) 串燒豬 (勁靱!)
(3) 無骨鳳爪 (個汁差o的)


仲有叫左其他野食不過唔記得左，
但total $600 only

生日飯 (1) [無相]

鄭宅再一次滯留o係沙田食飯;
本來想去風月堂但竟然執左笠!
退而求其次試間新新o地、個款差唔多o既日式西餐廳;

但我又再一次揀錯地方la
本來得5條友應該就好o岩
但大家姐一家四口+印傭姐姐失驚無神改變主意話join in
由5個變10個
場面非常墟/ham6/
kekeke 做孻仔果然係最著數

間野o的食物就一般啦
放得入口但唔算好食;
但個經理介紹o既乜鬼招牌天婦羅真係拆招牌
食炸野都係求咬落去o個下脆卜卜o既口感o者
個廚師就偏偏o係o的天婦羅外面加個「秘制醬汁」
一咬落去淋滋滋
熱氣得唔值lor :P
而個「秘制」醬汁咪就係沙律醬加o的蟹子咁味
不如用隻碗仔裝住等我自己去點好過啦

另外個魚餅就超大陣雪味
o的雞軟骨無隔油之餘仲連索油o個張墊底紙都懶得俾
碟海鮮炒烏冬o的燈籠椒多都癲
同埋我唔明點解「海鮮」會有牛肉o既？

埋單唔算貴但野食非常麻麻
不過都要多謝二家姐請客啊

在電影中心旁覓食

某個星期六放工後seafood痕想睇戲
o係連o個排有咩戲都唔太清楚o既情況下就搭車去左油麻地

雖然幾已3點幾但其實仲未食晏
好在電影中心附近開左間夏銘記先唔駛考慮食麥記

聽聞佢地o的魚蛋/魚片/魚皮餃好得
我就覺得o的魚蛋味都okay但可以再彈牙o的
成餐我最滿意o既反而係大配角 -- 枝裝檸檬coke light
夠晒多氣真係乜都gur晒

10分鐘內就醫好肚
下次臨入場仲有少少時間食野的話會試下佢個魚皮餃

泰好味叮叮飯

上次去旅行O係Tesco掃貨時終於都搵到呢隻叮叮飯
仲要有3款口味tim
分別係〝Thai Basil〞, 〝Yellow Curry〞同埋 〝Prawn〞
最後每款買左一盒
另加兩盒同一系列O既〝Phad Thai〞

〝Phad Thai〞就無乜驚喜
始終都係o係路邊攤即炒即食先至最正
但個〝Yellow Curry〞就唔錯喎
有o的香料味得黎又唔會一pat pat
〝Thai Basil〞就俾家姐食左
佢話辣到噴火喎 :P

另外，因為o係香港食開o既叮叮飯(e.g.〝波仔〞)都係經已煮熟o既飯
所以當睇住呢碗米叮幾分鐘就變左一碗飯o個時
真係覺得有o的神奇
而就算唔用微波爐
就咁用熱水/kum2/蓋焗佢幾分鐘都一樣okay

份量係就係細o的
但若果係做宵夜的話都係非常唔錯o既選擇

P.S. 仲有碗〝Prawn Rice〞未試
因為自從返工之後都無乜機會食宵夜囉...

潮州月餅

今日臨放工同事問我駛唔駛訂月餅
先醒起原來就快又到中秋喇

o係冰皮月餅經已被玩到出神入化(chop chop thai thai...)之際
舊年中秋o係屋企度最快被「清盒」o既反而係最傳統o既潮州月餅

聽阿媽講呢o的芋泥月餅好似都要成廿幾蚊一個
仲要特登去九龍城先買到;
不過新鮮熱辣o個時食真係無得頂!
可以用「皮脆餡軟」去形容
好在都趁佢被完全幹掉前影返幅相



好想快o的有得食呀 [img]http://www.dchome.net/emote/icon/82.gif[/img]

叮噹豆沙包

近日娘親在零食店買了一pack六個的豆沙包
竟意想不到地好吃呀!
那兩層"pancake"很軟熟, 豆沙餡亦不會過甜
下午茶吃一個, 份量剛剛好!

山崎也有賣這種豆沙包
味道都很不錯, 尤其喜歡面層的一抹蜜糖;

其實美心亦有推出類似的產品
售價與上述的相差不遠，大概是$5一件
但只要吃一口便知道完全不是那回事;
那兩層皮厚厚實實，豆沙亦不夠濕潤
完全可以說是〝睇得唔食得〞

講起〝得個樣〞, 美心的另一款產品「咖喱naan」亦犯下同一問題
雖非難以入口, 但當你明明以為會吃到naan那帶點煙靱的口感、
而最終卻是吃到另一個塗了點咖喱醬的過度發脹面包時,
難免會失望得打從心底裏咒罵幾句

順帶一提, 家母似乎對豆沙產品情有獨鍾
有幾會再向大家介紹喇 :)

粉果

Item: 粉果/彩龍煲仔粥 (佐敦)

係先入為主o既關係,
定抑或根本就無得再好？
呢個粉果點食都同屋企樓下街市o個件差唔多
係素食無落肉呢點特別少少;
奄尖o的講句
佢o的餡料煮得過淋唔夠爽

好在係睇完戲順路行過黎買兩隻試下
當係了左件「心事」囉 :)

P.S. 多謝老闆娘送多隻俾我食, o個刻個feel好街坊;

食自己 (1)

〝單調的涼拌米線〞


今個weekend娘親要上去河懸探親
aiyaya 聽聞o個樹早排水浸希望家陣無事啦;

自從兩年前由hall搬返屋企之後
都無乜幾可行近個爐頭
(o個堆考試玩到爛o既cookset爐具唔計呀吓)
等左咁耐終於可以有晚食自己;

天口咁熱唔想煮意粉
醒起雪櫃好似有包火腿同蟹柳而廚房又有支魚露
一於落街買條青瓜同個青檸試下整涼拌米線;

樓下間惠康好狗呀o的青檸要4個咁買
把心一橫買多幾罐梳打水整lime soda
(噢依家又醒起家兄有支vodka可以整vodka lime添:)

拎把金妹牌火腿去解凍時發現o的色水唔係好對路喎;
X! 原來係午餐肉!
咁大個仔都未見過急凍o既午餐肉!
呢間公司真係seafood呀!

至於o的蟹柳...
應該係上個星期抹雪櫃o個時掉左...

卒之久違了o既「食自己」
就做左呢碟單調的涼拌米線。

煉柯華田術

Item / Shop: Dark chocolate decadence / Godiva

飲後感係：
(1) 第一啖係好impressive，但飲多兩啖就似ovaltine;
(2) 打碎左o既chocolate chunk係加強左口感, 但諗起細個沖ovaltine有時攪唔勻, 都會有o的粉同煉奶結埋o既粒粒, 口感又係差唔多;
(3) 一個人飲晒成杯, 好飽;

價值$1的安慰

Shop: Starbucks (Frankfurt)

近幾次去Starbucks坐低飲杯野的話
都係選擇Espresso Frappuncino;

點解keep住呢款飲品留返下次講espresso先交代
今次想寫下怕肥o既代價
(而至於點解怕肥, 又可係留返遲o的交代)

記得以前做英文past paper 有一篇MC Cloze講vegetarianism
其中一句係咁o既：
"Vegetarians are prepared to pay more"
但原來今時今日
怕肥o既人都要俾多o的;

尋晚嗌杯Frapp.時為左嚮應同行友人要skimmed mocha
順手講左句要light;
但唔睇返張單都唔知
原來要加$1;

係咪真係light o的要問下o個個乜鬼營養師Mylin先知
但飲落個咖啡味係重少少
同用skimmed milk 沖咖啡個效果差唔多
而甜度又自動調校左做少甜;
但可能係心理作用
口感係無咁rich;
飲frapp.無飽肚感
硬係淨緊o的;

不過撇開light唔light唔講
抵讚o既
係呢間分店o的手勢好過HKU o個間好多
o的冰打得好碎;

望返個水牌
Light o既中文闡譯係「低脂低卡路里」
又好似飲得心安理得o的;
呢個安慰
價值$1

煙靭

Item / Shop: 肉圓 / 章家肉圓 (台灣)

對肉圓呢種食品o既第一印象
就係〝煙靭〞;
而咁o岩我又對呢種口感特別偏愛
所以無論面頭加上去o個pat 粉紅色醬有幾怪
我都覺得好好食;

但有無人知道
點解〝煙靭〞o係台灣會叫做 QQ ?

一一。

Item / Shop: 跟餐麵豉湯 / 燒鳥

一個老老實實但沉默寡言o既中年日本老闆;
一腳踢包辦樓面廚房傳菜收銀同埋清潔;
一牆都係menu而當中大部份係卅零蚊幾抵食o既燒物套餐;
一部長期播放住酒井法子/Speed o既MV電視長期開住;
一間我覺得非常適合一個人去o既食店;
一年前經已因為業主瘋狂加價而被逼結業。

P.S. post 麵豉湯相唔係因為佢好飲, 而係相簿入面只得呢張相;

為朱古力發狂

Item: (前)Nuts about chocolate (後)Espresso
Shop: Cherubin, Soi 31, Sukhumvit Rd., Bangkok, Thailand

曼谷除左有好食o既路邊攤泰菜,
原來都有正cake食o既cafe;

固名思義, 件cake真係勁多朱古力醬,
縱使我係甜食怪,
都叫定杯espresso配合下；

係幾甜幾膩, 但唔會過份；
面頭層nuts 好脆, 實在難得!

兩日內去左兩次
除左呢件best-selling item，
試左件orange caramel cheese cake 都okay

另外值得一讚o既係體貼o既外賣服務,
就算我只係外賣一件cake,
都會墊塊冰o係盒底keep住個溫度,
另一個難得!

下次去曼谷橫掂都唔會有乜景點想睇
怕且都會翻炒 :)

無胃口 / gur番晒

Item/Shop: 茄牛撈旦通 / 星座冰室

撈左隻蛋係幾滑
茄蓉係幾多
不過成碗野係面層o個1/3好食
底下o個o的...稀溜溜;

呢餐$30
好在有枝裝coke light先gur番；
o係尖沙咀想食o的野但又無乜胃口的話
都會返去o個度o既。
下次一於試下唔撈旦,
睇下o的湯到底係咪咁淡。

P.S. 何解條樓梯硬係有幾張溪錢散落o係度o既?