Apple crumble

幾個月前撐左上去Brunch club食o既Apple crumble

o個晚好似係有人出bonus請食飯?
哎呀 躉到Brunch Club都o係銅鑼灣開分店先出post真係唔o岩

望見個樣好想即刻食晒佢
但唔知點解撩開個底發現出晒水
真係諗返起都扁咀 (...)

都係BKK Chitlom Central間Foodloft個apple crumble好味好多 (嘩呢句扮野到不行)
唔知幾時先可以再去食過?

雞絲粉皮 彈牙無比

醉江南 (太子)

曾經o係悠悠食過爽得離奇o既雞絲粉皮
今次就o係呢間食到彈牙無比o既

好versatile下喎 (!好耐無講過喇)

給我幫襯過的食店們

This entry is dedicated to all the delicacies(!) I had in Shum Shui Po / Shek Kip Mei from 2006-2007:

石峽尾：
- 茶餐廳 (感激那位記得我買熱咖啡要少甜的大叔!)


- 正宗小巴黎 (真係好食過依家o既小巴黎多多聲!)


深水[土步]
- 公和 (別處還有更滑更濃豆味的豆花豆漿嗎?)


- 譚仔 (係要等餐死同迫到死先有得食但真係好味到死o既米線)
<哎呀 無相!>

- 營盤街米線 (黃鱔米線)


- 劉森記 (個水餃係幾好味的)
<哎呀 都係無相!>

- 維記 (個豬潤湯底很對胃口啊!)

寫住咁多
有漏唔好怪我 :P
當然仲有好多好野無機會食過

唔知第日又會搵到o的咩好野食呢？

你要大粒定有機？

Munch - 蘋果煙鴨胸有機沙律配士多啤梨汁

蘋果用肉桂撈過
o岩晒鍾意食M記蘋果批o既我(!)
煙鴨胸唔會太乾身
配o的味道唔藥水o既士多啤梨汁又幾好味的


根記 - 士多啤梨咕嚕素雞(定係鴨/鵝/豬/羊/牛/蛇/魚...呢?)

阿姐話用美國大大粒士多啤梨去炒
係啊就係大大粒跟住切到細細粒咁嘛 :)
個汁太人工喇
加上o的素X 又係人工野
下次都係食多碟菇吧 :P

btw 個廚師似乎好鍾意切碎o的野
碟翠玉瓜炒竹笙雜菌碎到好似腰果肉丁咁 (!)

----------------------------------------------------------
一個就sell有機士多啤梨
一個就sell大大粒
咁巴黎o個o的呢? (...我諗無人想理我)


P.S.
最近仲有食過兩次Munch
一次係外賣飯盒
無論包同意粉都係超難食的說(!)
都係食佢o的沙律穏陣 :P

另一次就係o係太古城food court
well我飲左個有菜乾味o既西蘭花忌廉湯 =_=

泰簡單

豆腐雜菜青咖喱


木瓜絲沙律


三十幾度o既夜晚
露天位死都唔揀 :P
......
o的枱迫到死
個場嘈到痺 =_=
......
龍眼冰又估唔到佢會清清o地
無飲錯的話好似有陣椰糖+香茅味
唔似得o的泰式乜冰物冰甜到死 :)
......
呵呵木瓜絲沙律原來走蝦米
叫o黎食都唔會有人嘈嘈閉 (!哎呀為rhyme而寫o架咋吓)
但賣成五十幾蚊碟都算係好貴
......
豆腐雜菜青咖喱
原來得幾粒炸豆腐粒真係幾離奇=_=
不過青咖喱實在太好味
連一碟飯都只係賣五十幾
價錢算係好合理 :P
......
不過可唔可以唔播o的咁gap o既MV呢？
播下《大狗民》好過啦 :)

清熱。

hohoho
(註：唔係我煲)

Finally found.

話說早個零月聽到鄒海灘提起呢間深水[土步]米線店有黃鱔
就趁某個long week放工後去搵黎食

黃鱔辣辣o地 豬潤有酒味
加埋壺公家普洱 都係廿幾皮
:P

fyi
o個度都有氣鍋雞食的 :)

P.S. 還記得N年前honeyz 的finally found 嗎? 又係姣歌一首(!)

扮野書蟲。

豆腐多士味道淡
口感其實似食澳奶o既炒蛋(!)

雜菌多士係幾好味
不過一個人食晒就係幾膩

嫌澱粉質未夠再叫多籃炸薯條
係夠raw夠熱但少o的油就好了

toast combo包埋杯唔知係咪有機o既咖啡
食飽可以慢慢坐低飲野慢慢hea
喜歡的話仲可以去書架拎本書扮下野
well咁O既格局當然位位七八十蚊落樓又唔少得o既 :P

唉，姨媽放例假。

無帶遮、探員頭、趕入場；
做漏功課、大排長龍、衰老尷 (:P)；
仲有摸門釘(sort of啦)、等錯車(係呀，唔係搭錯係等錯)

其實o個日係咪俾後現代姨媽個例假邪親呢？



食唔到蘇三個腐乳多士
就去後備o既海記
哎呀 我當初係俾個黑洞(!)吸引去食的
但估唔到佢得個樣=_=
o的芝蔴糊好稀 燉奶我又不嬲ma ma day
若果唔係怕紅棗燥(!)試碗桑寄生好過 :P

------------------------------------------------

一日都係蘇三打亂晒陣腳
食完個後備仲有時間要消磨
土瓜灣又無乜好行
6點幾想搵間junk野食又好難
好在最終都見到呢間up up dup dup
但又用sort of酸枝木傢俬(!)o既茶餐廳


火腿奄列油就預左
但o的蛋食落爽口就實在係離奇(!)
餐肉麵超咸
茄汁就要摷到櫃桶底先搵到 :P

係勝在夠平同up dup。


-------------------------------------------------

噢google一下
原來Gloria係法國出品o既淡奶
亦係雀巢o既其中一條line :P

係咁魚

魚腩肉丸粥 / 旺角妹記生滾粥


魚腩魚膘魚湯米線 / 荃灣魚鱻

兩間食店o既魚腩都唔腥
但前者個肉丸因為有菜脯o既關係要扣分(hoho無計啦佢乞我憎)
個粥底又唔夠棉
廿幾蚊當係為左o的魚腩啦；

後者個湯幾對辨但都未夠鄭太o個o的rich
但好耐無食過魚膘食得到係要加分的 :P

o呢個星期真係好鬼魚。

牛雜加芥辣 係個好配搭

:P

哎呀呢排去完街返屋企硬係想食串牛雜先上樓
搞乜鬼呀？

但原來企o係馬路邊滴晒汁咁食
係比買上樓更滋味的。
(well 我咁姿整
當然未買串野之前已經拎定張茉莉花香tempo抺咀啦)


又，上個禮拜睇報紙介紹
原來北角有靚牛雜食喎；

點解又係北角o架？

阿婆都玩rhyme?

阿婆豆腐花

「豆腐花有凍有熱 魚蛋牛栢葉」
聽到呢句真係精神為之一震!
估唔到o係離島賣豆腐花o既阿婆都會玩rhyme :P
不過最終都無幫襯rhyme granny 而去左另一個出名o的o既阿婆度食;
(哎呀到底有幾多個買豆腐花o既阿婆呢？)

講返碗豆腐花先
滑係幾滑，但豆味都係深水[土步]間公和濃o的 :P
試埋杯豆漿
情況都一樣；

阿rhyme granny妳不如加埋呢幾句啦 :)
...十蚊有兩碟...唔食你就蝕...辣醬任你唧...渣實唔好跌......

係咪唔想理我呢?

另類溝通法 - 落單篇

漢城美食 / 尖沙咀

老闆連睇人客手指指都慳返
直頭放低紙同筆等你寫number
幾方便o既又

唔食辣
其實無乜選擇
都係穏穏陣陣叫個烤牛/豬肉飯
(噢話時話，點解好似唔覺有羊肉o既呢？)

個飯幾香麻油味
(但亦因為咁所以係幾油膩)
hoho 其實面頭o的葱粒
好鬼似小巴黎烤牛肉檬o個o的lor
(不過價錢就差得遠啦:P )

另外仲有食個炒粉絲；
黑椒落得好重手
食落好似o係屋企食加左大量黑椒o既鄭太外賣炒米粉咁
係幾homey的；
但奈何一兩年前大長今好hit o個排
阿鄭太經已將呢o的韓國粉絲煮到爛晒
興趣實在不大 :P

整體感覺幾地道(aiya 根本未去過韓國學乜人講地道?)
但我都係鍾意地道o既港式餐廳多o既喎:P

搵日食阿四快餐啦。

披著羊味的豬

成家姓鄭o既食過都話呢個燒餅d餡有陣羊o既羶味
但個袋又寫明個餅係用豬肉做o架喎
都幾...吊詭喎! (又講!)

餅皮唔會過厚
餡料味道夠搶
趁熱食係幾好食o既
( fyi，我鍾意羶味的 :P )

係咪做媒ga？

Friend's Kebab / Jordan

o係BC睇完戲跟住遊蕩到佐敦似乎係指定動作；
醒起之前見過有間kebab店開左
是夜行過見佢門口up up dup dup
又有成枱鄉里食客
諗住唔方難食就坐低左
但落左單先知賴野；

1. 價錢仲貴過灣仔各間卡巴店，索價$50一碌；
2. 店內勁大油煙，要拿拿聲除左件新買o既中褸摺埋佢以減低感染 :P
3. Menu內店名o既字體同設計擺明抄Ebeneezer (...)
4. 羊肉切到一粒粒，又無得自己揀汁
5. 油水多過汁，食完實生粒粒(!)

哎呀，班鄉里係咪老闆請返黎做媒ga？
我都係鍾意o的羊肉係用把刀片落黎o個隻kebab多o的囉。

即興。

即興地一晚走3場:

1. 雞蛋仔
少甜 and 好脆
sorry but it's not my ChickenEggSon;
可能擺落去個沾滿夾餅醬o既袋度做shake shake雞蛋仔會好味o的o既(!)

2. 阿鴻小吃

豆腐又白又滑 配滷水汁最夾
海蜇芥苿雞腳筋 口感味道都過癮
招牌鴨舌 唔食無蝕 :P

(呵呵 同場加映譚詠倫突點相一張
死未!)

3. 勝利小廚
海南雞飯 食淨兩啖 (!)
(註：唔係唔好味 只係太飽)


aiya 仲有東寶未食喎
下次繼續去港島東覓食啦

係得妳無變到咋

風月堂 (奧海城)

扮野裝修 夾餅縮水
大頭慨嘆：風月堂變左

白色梳化 白色卡位 白色餐枱 白色牆
哎呀 乜搞到成間IFC Palace Cafe 咁？
唔好扮型啦 以前個含蓄look(!)咪幾舒服

夾餅縮水縮到慘不忍睹
但雪糕就多到離晒譜
仲要蠢到同一時間上晒兩款配雪糕但又要趁熱食o既甜品
(夾餅 & 芒果紅豆酥豆)
唔係連食野都要multi-tasking 呱?

係得妳無變到咋
阿經理
(!食到經理個樣都記得 我地以前真係有夠痴線!)

人多好辦事

妹記 / TST

以為7點可以去到唔駛訂枱都得
但最終被放遂去左廚房附近
一坐低就超大陣生蒜頭味

隻雪凍左o既戰鬥碗係幾得
但 哈爾濱本身真係好好飲喎
清清o地唔覺唔覺就飲左兩三碗

而人多又果然好辦事
叫[食送]都可以唔駛就住就住
墨魚咀、南乳香酥骨、鬼馬油炸鬼等等
想食O既都食左;

不過星期五晚7點鐘就已經叫呢樣無呢樣
係有點離奇的

aiya 緣份呢樣野講到爛晒都要講架喇(!)
個果蓉鳳片o的牛油果
最終竟然o係碟nachos度遇上囉

但我始終都係想試下牛油果同茄子炒埋一碟係咩味。

巧合

尋晚可能因為去飲食得太多油膩野
好想訓醒之後有碗粥食

今朝(err 係晏晝先o岩)起身竟然發現飯枱就放左兩/paang1/粥o係度
(仲要係超經典o個種飯壺!)
超感動的說!

雖然已經無以前咁愛艇仔粥
但o個份巧合已經搭夠

不過樓下大排檔o的炒米粉真係越黎越難食喎
咪再買啦媽咪!

P.S.
另外我發現我已經變左心啦
竟然愛上左一路都唔接受o既皮蛋瘦肉粥

Boring but not bored

出席左個準時八點開席九點九散場十點返到屋企o既滿月酒
見到張貼左o係大門口上菜枱列晒菜式之餘仲寫埋每席$2888(!)o既菜單
叫左兩聲食完西蘭花XX片之後就頹晒無再叫過連杯都唔拎起o既「飲杯!」
o趙左好多舊唔係花枝又唔係帶子但又同西蘭花炒埋一碟o既XX片
食左條明明蒸得唔夠熟仲有o的黐肉但啖啖都係鞋o既魚
梗左舊以為係花膠其實就唔入味又腥腥o地o既魚鰾
放棄左一碗唔記得係幸福定快樂總之就咸到震o既炒飯
飲左碗全晚算係good o既一道菜紅豆沙

菜式悶
親戚悶
連電視都咁悶
但其實我又唔覺得好悶
呢種感覺
好似N年前阿羅小姐話《慾望號街車》係悶但又好好睇一樣咁吊詭
(hoho 又扮野!)

頂住頂住

哎呀明明一坐低o個時係想食豉汁白鱔
但點解最終會叫左咸魚肉片o架?!
(註：張相係搭枱o個位叫o既鳳爪滑雞)
又唔記得左o係街食到o既
通常都係梅香rather than馬友
(hoho 扮晒野其實咪又係早兩日聽o的同事講完先識分)
下次都係要問清楚(定諗清楚呢其實?!)先好落單

而對於一個通常晚餐都唔食米飯o既人o黎講
十點幾先食一煲飯絕對係無用腦諗野
Quote 返套戲o個句：
〝I was just stupid〞

P.S. 搭枱o個位對住個廟街阿姐講〝唔該一枝Budweiser〞
係另一件stupid事!

P.P.S. o個度興野食上齊枱就找數
但搭枱o個位竟然臨走o個時又叫埋單
我真係想同佢埋單 *_*

喂你都唔好將米線當係公仔麵喎

〝昌隆雲貴風味酸辣米線〞(Shum Shui Po)

沙爹牛肉(!)
雪菜肉絲(!!)
司華力腸(!!!)

喂
唔好以為將個menu放o係個茶餐廳常用o既阿華田餐牌座度
就可以加埋o的茶餐碗麵必食o既配料落去o羅

仲有呀
唔駛寫明話o的司華力腸每碗米線只可以配一條喎
邊個會咁bad taste一路食住碗有芽菜同腐皮o既米線一路咬腸仔先(嘔!)
司華力腸
我唔係唔鍾意你
但你都係返番去7-11 o的燒賣身邊啦


唉 好在佢都有o的正常o的o既配料
就食個勁清淡o既腐皮+竹笙

一上枱發現韮菜同酸菜唔見人
頂 得一大堆芽菜
食魚蛋粉呀家陣?

米線口感okay
而個湯係幾有肉味
但較為油膩
似出前一丁豬骨湯麵個湯底咁油

腐皮就以一團腐皮卷o既姿態(!)浮面
唔似得譚仔o個邊咁撩開左先淥;
係先入為主o者
食落都係滑o既

竹笙無乜好講
係衰格在跟足隔離鋪
呢款料要收多一蚊

我初頭係俾門口阿鄭嘉穎同個老細影o個張相吸引左入去
但走o個時先發現其實仲有張係佘詩曼 & 楊怡 o既
Oh, "Yummy Yummy"?
陰me陰me! (爛!)

P.S. 點解唔見阿Ter-Ry o既?
P.P.S. 呢碗野其實味道係okay o架，但只不過唔係我想要o既野o羅。

車仔麵你咪扮米線啦

繼續搞爛ryhme!

凍檸茶無冰
湯底有味精

魚腐扁tet tet
好似一塊石

粒丸林滋滋
似食糯米糍?!

其實坐低先發覺
[食送]o既選擇太似車仔麵喇 (芝士腸!)
只怪睇得太遲;
o的阿姐又會俾無"聲"壓力拎住本簿企o係隔離催人落單
頂 天秤座o既係猶豫不決O的o架啦
唯一比較可取o既
係o的米線尚算彈牙o羅

返工返左12個鐘仲要食埋碗咁o既o野
!
唔夠訓真係好容易做錯事!

YouYou跌watt

撇除碗湯o既不幸事件
今次o的野食似乎稍為退左步喎

雞絲粉皮
爽得離奇!
炸蠔無醬點
食到咀扁扁 (唔搞爛gag搞爛rhyme!)

係因為上次上完2-day workshop太過crave for some dining out?
定抑或係今次o的送叫錯左?
Anyway 呢度都係o係TST gathering地點o既頭幾位o黎o既;

o拿o拿o拿你裝修同形式似和民好喇
千祈咪步佢後塵呀

不常見的腸粉餡料

兩樣unfamiliar o既腸粉餡料
燒鴨豬潤雙拼
承惠$16

叫之前其實係有預左呢兩樣料唔太夾
都係衰貪心想試晒呢兩種料
結果咪就係豬潤o的味太搶
而燒鴨份量相對地少
要自行將o的料分番開佢先食到兩種味o羅

客觀o的講返條腸粉本身啦
塊腸粉皮係幾薄幾滑o既
而o的豉油係「少甜」(我就唔太習慣)
o的豬潤又幾爽咁啦


反而個魚片粥有o的驚喜喎
一o的都唔腥
o的粥又煲得夠棉
(最怕o的稀溜溜但又煲到o的米開晒花o既「粥水」)
但若果我無食錯的話 係有幾大陣胡椒粉o既辣味
好在有o的芫莤搶返味加返分

---------------------------------------------
有機會都仲會去試下其他unfamiliar o既腸粉餡料